Sec. Angelo Reyes ng DOE: Ano ka ba naman?

Noong Tuesday, nagtaas ng presyo ng gasolina ang mga minamahal nating oil companies. Dalawang piso sa gasolina at dalawang piso din sa diesel.

Ano ang sabi ng Department of Energy sa pangunguna ng Kagalang-galang na Sec. Angelo Reyes? Dapat daw ay pasalamat pa tayo. Dapat daw ay LIMANG PISO ang itinaas!

HUWAAAATT??? Sa lagay pala na yon e may utang na loob pa tayo kay Sec. Reyes?

Ok lang sana kung nasa lugar ang pagtaas ng presyo ng gasolina. Baka nga may utang na loob pa tayo sa kanya. Pero alam nyo ba na ayon NEDA (National Economic and Development Authority), OVERPRICED pa nga daw ng WALONG PISO ang presyo ng gas dito sa Pinas. Ayon sa computation ng NEDA, dapat daw ay P31.00 lang per liter ang gas sa halip na P41.00. Ito ay nakasaad sa kanilang Position Paper na isinubmit sa House Energy Committee. NAKUPOW, overpriced na pala ang gas, nakukuha pang mag-increase ng presyo ang mga oil companies na ito! Talaga palang matitigas ang mukha ng mga ito!

Eto pa, dahil confident ang NEDA sa kanilang computation, hinamon ng NEDA ang mga oil companies na ito na mag-compare ng formula ng computation. Ngunit, subalit, datapwat, AYAW ipakita ng mga kumanya ng langis ang kanilang pricing formula. Bakit? Syempre, baka nga naman mabisto ang panloloko nila. Basta daw ang kanilang presyo ay base sa computation nila at ng Department of Energy. So, kasabwat pala ang DOE sa overpricing na ito.

Imbes na ang DOE ang magbigay proteksyon sa atin laban sa mga ganitong panggigipit, sila pa itong nakikipagsabwatan. Pasalamat pa daw tayo! Ibang klase din, ano?

Teka, hindi ba't pera ng bayan ang kinukunan ng sweldo ni Sec. Reyes at ng departamento niya? Bakit para pa siya ngayong tagapagtanggol ng mga oil companies na ito? Hmmmm... baka naman ang mga oil companies na ang nagpapasweldo sa kanya?

Sec. Angelo Reyes, gawin mo naman ang mandate mo at magsilbi sa taong-bayan. Yan naman talaga ang purpose mo di ba? Isa kang PUBLIC SERVANT, di ba? Hindi ka naman PRIVATE SERVANT ng mga oil companies ah. Kung sa tingin mo at ng DOE na tama naman ang pag cocompute ninyo ng presyo ng gasolina, bakit hindi kayo maglakas-loob na makipagkwentahan sa NEDA? Lalo tuloy lumalabas ang garapalang pakikipagsabwatan ninyo.

Sec. Angelo Reyes, huwag mo naman maliitin ang kakayahan namin na mag-isip. Sa tingin mo ba ay BOBO lahat ng Pilipino kaya harap-harapan ang ginagawa mong panloloko?

Sec. Angelo Reyes: ANG TIGAS NG MUKHA MO!!

I-click ITO para mabasa ang news article tungkol dito

Oil Price Increase NA NAMAN?!?

Kahapon, pagkatapos na pagkatapos ng SONA ng ating pinakamamahal na pangulo, isang kagimbal-gimbal na balita ang inihatid sa atin ng mga pinakamamahal nating oil companies: DALAWANG PISONG PAGTAAS NG GASOLINA AT KRUDO!

HANUBAYAN?!? Parang talagang hinintay lang magtapos ng SONA para at least hindi kasama sa ibabalita ni GMA ang price increase ah. Kakaiba naman ang katigasan ng pagmumukha ng mga oil companies na ito. Noong July 20, nagbaba ng .50 for gas at .25 para sa diesel, tapos saktong isang linggo, taas agad ng dalawang piso across. Syempre nga naman, wala naman tayo magagawang mga ordinaryong nilalang lang. Kailangan natin ng gasolina at krudo para umandar ang ating sasakyan. Hindi nga naman natin kayang maglakad na lang papasok sa school o sa trabaho. Ano na kasunod nito? Syempre magrereklamo naman ang mga jeepney drivers. Sino nga ba naman ang hindi magrereklamo.

Bakit ba pag bumababa ang presyo ng crude oil sa world market, hindi naman bumababa ang presyo ng gasolina natin? Pero pag nabalita na nagtaas ng presyo ang mga arabo, arya na kaagad ang pag taas ng gasolina. Parang nakakaloko tong mga ito ah.

Ako'y hindi expert sa world oil trade, pero sa aking mumunting kaalaman, ang pagbili ng oil sa international market ay "in advance". Ibig sabihin, ang oil na nakukuha ng mga oil companies ngayon ay matagal na nilang nabayaran sa presyo na matagal na din. So kung $60 per barrel ang presyo nung nakaraang buwan, sa ganung presyo lang din nila nabili ang langis. Bakit pag tumaas ang presyo ng oil sa international market, kasabay ng pagtaas ng presyo agad ng gasolina? Malinaw na pangagantso di ba? Pero pansinin ninyo, pag bumaba ang presyo ng crude oil, hindi naman magbababa ng presyo itong mga tigasmuks na ito. Bakit daw? E kasi mahal daw ang bili nila ng langis nung isang buwan e. Sala sa init, sala sa lamig.

Sinong kawawa? E di tayong mga ordinaryong mamamayan na walang magawa kundi magtiis na lamang. Di naman natin maasahan tong mga nasa government. Bakit? E kasi buwis natin ang nagbabayad ng gasolina ng mga SUV nila.

Kayong mga opisyal ng oil companies: ANG TITIGAS NG MUKHA NINYO!

Red Plate sa Glorietta on a Saturday

Kahapon (Sabado) nasa Makati ako nang makasabay ko ang isang Toyota Revo na may RED PLATE na SEU-163. Isang lalaki at isang babae ang sakay. Lumiko ito sa area ng Glorietta at huminto sa may tapat ng Glorietta 5. Bumusina ito na parang may sinusundo na babae na galing sa mall. Wow, sarap naman, LIBRE sasakyan sa pamamasyal.

Tuwing nakakakita ako ng ganito, di ko mapigilan na mainis. Bakit naman hindi, hindi ba FOR OFFICIAL USE ONLY ang mga government vehicles? Ano to, may official government function sa mall?? At Sadabo pa! Syempre pag tinanong ang may dala nito, yun ang sasabihin nya. Come on, ano tayo, kahapon lang pinanganak? Tinatawaran ba nila ang kakayahan nating mag-isip?? Saka parang wala yata akong kilalang government employee na ganun kasipag na nagtratrabaho kahit weekend.

Actually, madalas ako makakita ng mga RED PLATE na sasakayan na gumagala-gala kapag weekends. Dapat yata nilang maisip na BUWIS natin ang ginamit pambili ng mga sasakyang ganyan (malamang overpriced pa). BUWIS din natin ang nagpapagasolina nito. Panay pa naman ang price increase ng mga oil companies. Kunwari na lang na sila ang nagpapagasolina nun kapag ginagamit nila, pano ang maintenance? Kaya maraming mga naka-junk na government vehicles e. Bara-bara kung gamitin tapos bahala na. Wala bang nagmomonitor nito sa mga government offices? Hindi ba't pati sa TV madalas na may nakukunan na ganito?

Sayang, hindi ko nakunan ng picture ang driver at at pasahero nito dahil nagkahiwalay na ang daan namin. Pero eto ang picture ng mismong sasakyan:

Ang masasabi ko sa mga taong gumagamit ng RED PLATE for personal affairs:
TIGAS NG MUKHA MO!!

Complaint against Leo Sulit of Telus

Isang email ang aming natanggap from Strawberry Kiss tungkol sa kanyang complaint sa kanyang Call Center Team Captain, Leo Sulit. Basahin natin ang kanyang unedited complaint letter:
==============
March 25, 2009
Mr. George Izon
Telus

Dear Sir

This has reference to the incident that happened last March 21, 2009, with regards to my salary dated March 1 - 15, 2009 which was hold by my Team Captain LEO SULIT.

Please be informed that I was absent because of my severe stomach pain and my butt was bleeding non stop due to internal Hemorage. I texted Mr. Sulit about my situation since Mr. John Haw told us that if we were not available or unfit to work, we have to text our Team Leaders. So many times I texted Mr. Sulit but I got no response, so I texted Ms. Erica De Los Reyes to inform him about my sickness. I texted again Mr. Sulit that I am very sorry and again I cannot work and I was not able to buy my new medicine because I'm broke. I even texted him not to worry because I will provide a medical certificate.

Last March 16, 2009, I went to my Internist and referred me to a Gastro Especialist since its an internal hemorage. The Doctor wanted me to be confined for further check up and laboratory test, ultra sound, etc. So, I decided to resign to have time for myself and ask help from my relatives. I texted my Team Captain about my decision and I'm willing to render 30 days of work. But the same I got no response from TC LEO SULIT.

I went to work March 18, 2009 because March 16 and 17 was my rest days. I gave my medical certificate to Mr. Leo Sulit but told me I no longer have any schedule because the New Policy is NO CALL NO SHOW. But as I said, I texted him so many times and even texted one of my co workers but he did not respond. He said that since I did not call him, Mr. Mylon would like to talked to me. I talked with Mr. Mylon and convinced me not to resign because on my 3rd month, I will be receiving my Health card and it will be really a great help for me. Mr. Mylon is a kind and a gentle man that he really is after the welfare of employees specially those in times of need. I told him "nakakahiya naman sa Team Leader and teamates ko that I will be absent again and I might be the downfall of the team." Mr. Mylon told me that it's ok as long as I will inform my Team Captain that I will be absent for my sick. Mr. Mylon told me that Tc Leo Sulit will still accept me wholeheartedly. From his words I was convinced not to resign because he is a man of Honor and he understands my situation. I really need a job because I'm sick and I need to buy my medicines.

Last March 20, 2009, I was surprised when I learned that my account is only P500.00, I was supposed to buy my new medicines to stop my Bleeding and pain I'm feeling. Most especially the Anti biotics but when I called COMPENBEN, she told me that Mr. Sulit tag me O and hold my salary. I told Mr. Mylon about my salary (thru text message) and he told me that he will talk to Mr. Sulit. I worked that night but since I was not able to buy my medicines or my anti biotic, I felt so ill again, severe pain in my stomach and Mr. Mylon saw me and told me to talk with Mr. Sulit but I tried to look for him but I could not find him. So, I went to the clinic and I was told to rest for 2 hrs. and that was already 4am. I woke up at about 7:30 am. I went to 34th floor so that I can explain to Mr. Sulit, But the pain was coming back again, only to find out that Mr. Sulit was not in his office again. I cannot wait any longer, so I went home but I asked my wavemate to give the medical slip from the clinic to Mr. Sulit. Mr. Sulit texted me that since I did not return to him in the office he tagged me for Work Abandonement. Late that night, I still feel really ill that's why I texted Mr. Mylon that I can't come to work because of the severe pain on my stomach. He texted me "I thought you already resigned? If that's the case, schedule your exit interview and clearance with HR or talk to your tc."

In view hereof, I am submitting this complain letter to you sir, because my salary was hold by Mr. Sulit, when I needed it most. I was not able to buy my medicines because of his unhumanitarian behavior. I am sick and when I was interviewed by Mr.Mylon, he knew about my situation. I already asked help from my mother in Laguna and told her what happened. She was telling me that we will file a complain in DOLE and Mr. Sulit will be responsible for anything that will happen to me.

Thank you very much for your time in reading this letter. I'm willing to resign before going to Laguna, I will file my clearances. I have nothing against the office or company whatever, but there are people around you that do not have a heart on people like me and maybe this should be known so that the rights of your employees will be protected.

Very truly yours,
Strawberry Kiss M. Morales
==============

Mahaba pa ang email ni Strawberry Kiss pero sa letter na ito, malinaw ang cause ng kanyang complaint: HINDI IBINIGAY ANG KANYANG SWELDO.

Isa-isahin natin ang mga facts, base sa kanyang letter at sa nilalaman ng email nya:
1. Si Ms. Strawberry ay may internal bleeding. (Hindi ako doctor pero ang alam ko serious ang ganito)
2. Dahil dito, absent sya for 4 days, March 12-15
3. Bumalik sya sa trabaho, March 18 dahil rest day nya noong March 16-17
4. During the time na absent sya, paulit-ulit niyang tinext si Mr. Sulit upang ipaalam nag kanyang situation pero wala syang natanggap na reply.
5. Bago sya nag absent, ang Policy ay dapat mag text sa Team Captain kung absent. Ito naman ay ginawa nya.
6. Habang sya ay absent, nagkaroon ng bagong Policy na dapat tumawag kung absent.
7. Dahil hindi sya nakasunod sa bagong policy na dapat tumwag sya, nagkaroon sya ng violation na NO SHOW.
8. Nag decide sya na magresign na lang dahil sa kanyang karamdaman pero ang company mismo, thru Mr. Mylon, ang nagconvince sa kanya na huwag na lang.
9. Si Ms. Strawberry ay nag file na ng complaint sa DOLE. Sana ay mabigyan nya tayo ng update tungkol dito.

TAMA BANG HINDI NIYA MAKUHA ANG KANYANG SWELDO?

Kung ang pag hohold ng sweldo sa pagkakataong ito ay company policy nga ng Telus, TAMA BA ANG POLICY NA ITO? Sana makagbigay linaw ang Telus o kahit si Mr. Sulit tungkol dito.

Ano sa palagay nyo, mga TIGAS HUNTERS? Ano ang tingin ninyo sa taong ito:

Leo Sulit

Manyakis ng Meralco Avenue

Ang sumusunod ay ipinadala sa atin ng isang Tigas Hunter na ninanais na maging anonymous:

Kaninang hapon, naglilinis ako ng terasa ng aking tirahan, mayro'n dalawang traffic enforcers na nagkwekwentuhan sa tapat ng gusali. Nakakuha ako siguro ng atensyon sa pamamagitan ng suot kong berdeng pang itaas (gano'n?).

Hanggang ang isa sa kanila na may suot suot na berdeng sumbrero ay nagsimulang ngumiti at kumaway sa akin at pasigaw sigaw akong kinakausap...

Manyakis : "Miss! Anong ginagawa mo?"

(hindi ako sumasagot. Ang totoo nagwawalis ako ng mga natuyong ipot ng ibon at tae ng aso.)

Manyakis: "Hoy miss! Mamansin ka naman! Anong ginagawa mo? Naglalaba ka ba? (sabay senyas ng dalawang kamay nya na animo'y may kinukuskos)

Manyakis: "Miss na maganda ... mamansin ka naman ... mag isa ka lang ba dyan? Pwede bang makitulog dyan? Aakyat ako ha..."

Ang isa nyang kampon ay nakatingin lamang at tatawa tawa ... hanggang ang bidang manyakis na ito ay naglakad at tinawid ang daan upang mas makalapit sa tapat ng aming gusali.

Manyakis: "Miss! Miss! Ang ganda mo ... mukha kang masarap... mamansin ka naman... anong ginagawa mo?" ...

Wala pa rin akong kibo hanggang nakatapos ako sa winawalis ko (ngayon ko lang naisip, dapat pala lahat ng inipon kong mga tae ng ibon at aso ay ibinuhos ko nalang sa kanya lahat).

Pagkaraan ng kaunting minuto, bumalik ako dala dala ang aking kamera na may nakakabit na 24-70mm na lente. Todo zoom in ako! Sa galit ko nakalimutan kong meron pa pala akong 80-400mm, yun dapat ang kinabit ko! Pero ok naman ang nakuha kong resulta ...

Presenting to you mga kababayan, ang Aga Muhlach ng Meralco Ave. (hindi dahil gwapo sya, kundi dahil nakunan ko sya sa lahat ng anggulo) . Ang mamang manyakis! Enjoy the pictures!
Pagkatapos nyang makitang kinukunan ko sila ng litrato, pasimple at dali daling tumalilis ng lakad ang hunghang na ito, papunta sa kaliwang direksyong ng gusali ko kung saan nandoon ang maraming puno at maari syang makapagtago.

(O dahil naihi sa nerbyos?).

Eto si Mr. Manyakis:



















Wow, PUBLIC SERVANT pa supposedly ang taong ito. BASTOS at WALANG MODO. Wala bang screening ng applicants para sa mga ganito? Kala mo kung sinong gwapo. Pag nakita ng misis mo to, yari ka sigurado.

HOY, TIGAS NG MUKHA MO!

Welcome to Tigas ng Mukha mo!

Mapagmasid ka ba sa paligid mo?

Napapansin mo ba ang mga kakatwang nakasanayan ng ibang Pinoy?

Gaya ng...
...paghinto ng mga jeepney at bus drivers sa NO LOADING/UNLOADING ZONE o kung saan mismo pumara ang pasahero.
...pagbabale-wala ng kalapit na traffic enforcer sa ginagawa ng mga drivers na ito.
...pag ihi ng mga maton sa pader na may malaking sulat na BAWAL UMIHI DITO.
...pagtatapon ng basura sa isang kanto na may nakalagay na HOY, WAG MAGTAPON NG BASURA DITO #!@$% MO!!!
...pagparada ng sasakyan sa masisikip na kalsada na para bang personal na garahe nya yun.
...pagtawid ng mga tao sa mga kalsadang may malaking sign na BAWAL TUMAWID DITO, NAKAMAMATAY (direct to the point na nga e).
...mga ibang government employees na para bang ikaw pa ang makikiusap sa kanila na asikasuhin ka. Manghihingi pa ng lagay! (Teka, di ba buwis naman natin ang ginagamit na pampasweldo sa kanila?).
...pagkatagal tagal na mga government projects na di matapos-tapos sa di malamang kadahilanan. Nakabalandra pa naman ang malaking picture ng kung sinong pulitiko na para bang pera nya ang ginagamit sa projects na ito.
...harap-harapang pangungurakot ng mga pulitiko sa kaban ng bayan na lagi na lang nawawala ang mga witnesses (Teka, asan na ba si Joc Joc?).
...malinaw na pandaraya sa eleksyon ng mga pulitikong ayaw bumitaw sa pwesto (Hello, Garci? Natatandaan mo pa ba to?).
Ang mga ito, at marami pang mga nakakainis na mga kasanayan ng mga Pinoy.

Oo, alam ko, may ibang ang sasabihin ay dapat may PRIDE IN THE FILIPINO. Na dapat sa mga magagandang bagay na lang tayo mag focus.

Pero pano na ang mga ganitong bagay? Palulusutin na lang? Kaya nga nakakasanayan, kasi nakakalusot naman. Dapat wag tayo pumayag. Dahil kung hahayaan lang natin, tayo tayo din ang mapeperwisyo.

Dahil...
...ano ba ang dahilan at nagiging matraffic sa kalsada?
...bakit ba may nadadaanan tayo na mapanghing lugar?
...bakit ba nagbabara ang mga kanal at makalat ang paligid?
...bakit ba nangunguna tayo sa listahan ng mga MOST CORRUPT COUNTRIES?
...bakit ba kulang ang mga government services natin?
...bakit ba ang mga nakaupo e yung mga hindi naman binoto ng nakararami?

Palalampasin mo ba ang mga ganito? Payag ka ba na ganito na lang palagi?

Kung OO, sorry ka na lang at magtiis. Dahil ang mga walang pakialam, walang karapatang magreklamo.

Kung HINDI, para sa iyo ang web blog na ito. Ikaw at ako, sabay-sabay nating sabihin sa mga ganitong tao: TIGAS NG MUKHA MO!